
那洛巴大师教言集NARO9དཔལ་བདེ་མཆོག་གི་སྦྱིན་བསྲེག་གི་ཆོ་ག །
1-1-31a

༄༅། །དཔལ་བདེ་མཆོག་གི་སྦྱིན་བསྲེག་གི་ཆོ་ག །
༄། །རྒྱ་གར་སྐད་དུ། ཨཱེ་ཀ་བྷི་ར་ཧོ་མ་བི་ཏི། བོད་སྐད་དུ། དཔའ་བོ་གཅིག་པའི་སྦྱིན་བསྲེག་གི་ཆོ་ག །དཔལ་རྡོ་རྗེ་མཁའ་འགྲོ་ལ་ཕྱག་
འཚལ་ལོ། །སྦྱིན་བསྲེག་བྱེད་པར་འདོད་ན་སྔོན་དུ་བསྙེན་པ་འབུམ་བྱས་ལ། དེ་ནས་ཐོག་མར་བསྙེན་པ་སོང་ནས་ཐབ་ཁུང་ཟླུམ་པོ་ཁྲུ་གང་བྱ། ཟབས་སུ་ཁྲུ་ཕྱེད་བྱ། ནང་དུ་པདྨ་འདབ་བརྒྱད་བྱ། དབུས་སུ་རྡོ་རྗེ་
བྲི་བར་བྱ། ཁ་ཁྱེར་ནང་མ་ལ་རྡོ་རྗེ་བཞི། སྟེང་མ་ལ་རྡོ་རྗེ་བརྒྱད། ཁ་ཁྱེར་ཐ་མ་ལ་པདྨ་འདབ་བཅུ་དྲུག་པ་བྲིས་ལ་ཕྱི་ནང་ཐམས་ཅད་ས་དཀར་གྱིས་བྱུག་ལ་རྫས་བསགས་པར་བྱ་སྟེ། དང་པོ་འོ་མ་ཅན་གྱི་ཤིང་བརྩིགས་
1-1-31b

ལ་ཀུ་ཤས་ཁ་བཀང་ནས་མཆོད་པ་ལྔ་བཤམས། ཅི་འབྱོར་པའི་རྫས་བསག་གོ། །ཐབ་ཀྱི་དབུས་སུ་ཨ་ལས་ཟླ་བ། རཾ་ལས་ཉི་མའི་སྟེང་དུ་ཧཱུྃ་སྤྲོ་བསྡུ་དང་བཅས་པ་ལས། སྒྲུབ་ཐབས་ནས་འབྱུང་བ་བཞིན་དུ་བཅོམ་ལྡན་
འདས་ཞལ་གཅིག་ཕྱག་གཉིས་པ། ཌཱ་ཀི་མ། ལ་མ། དུམ་སྐྱེས་མ། གཟུགས་སྐྱེས་མ་བསྐྱེད་ལ། ཡེ་ཤེས་སེམས་དཔའ་གཞུག་པ་དང་ཡི་གེ་གསུམ་གྱིས་བྱིན་གྱིས་བརླབས་པ་དང་། ཡབ་ཡུམ་གྱི་དབང་བསྐུར་བར་བསམ་
ལ། ཨོཾ་ཧྲཱིཿཧ་ཧ་ཧུཾ་ཧུཾ་ཕཊ་མ་མ་ཤིནྟཾ་ཀུ་རུ་ཡེ་སྭཱཧཱ། མར་གྱིའོ། །དེ་ནས་རྩ་སྔགས་ལ་བཛྲ་ཡ་ཛྙཱ་ཡེ་སྭ་ཧཱ། ཡམས་ཤིང་ངོ་། །སརྦ་པ་པཾ་དཱ་ཧ་ན་བཛྲ་ཡེ་སྭ་ཧཱ། ཏིལ་གྱིའོ། །སརྦ་བིགྣན་ཤ་ཏ་ཡེ་སྭཱཧཱ།
ཡུང་(ཡུངས་)དཀར་གྱིའོ། །བཛྲ་ཨ་ཡུ་ཥེ་ཡེ་༴ དུརྺའོ། །བཛྲཱ་པྲ་ཏི་ཧ་ཏ་༴ ཀུ་ཤའོ། །སརྦ་སཾ་པྲ་ད་ཡེ་༴ ཞོའོ། །བཛྲ་མ་ཧཱ་བེ་ཡེ་༴ ནས་ཀྱིའོ། །བཛྲ་བི་ཛ་ཡེ་༴ འབྲས་སོ་ཁའི་འོ། །བཛྲ་གྷསྨ་རི་ཡེ་༴ གྲོའི་འོ། །
བཛྲ་གུས་ཏ་ཡེ་༴ འབྲས་གྲུས་པའོ། །མ་ཧཱ་བཱ་ལ་༴ སྲན་མའི་འོ། །ཅི་འབྱོར་བའི་རྫས་བསྲེག་པར་བྱའོ། །ཉི་ཤུ་རྩ་གཅིག་གམ་ལྔ་བཅུ་རྩ་བརྒྱད་དམ་བརྒྱ་རྩ་བརྒྱད་དམ་སྟོང་ངམ་ཁྲིའམ་འབུམ་ལ་སོགས་པ་བསྲེག་པར་བྱའོ། །དེ་ནས་དངོས་གྲུབ་
བླང་བར་བྱ་སྟེ། རྡོ་རྗེ་སེམས་དཔའ་ཉེ་བ་ཉིད་དུ་བྱོན། །རྡོ་རྗེ་སེམས་དཔའ་རྗེས་སུ་གནང་བར་མཛོད། །རྡོ་རྗེ་སེམས་དཔའ་བདག་ལ་བརྟན་པར་མཛོད། །རྡོ་རྗེ་སེམས་དཔའ་བདག་ཉིད་སྦྱང་བར་མཛོད། །
1-1-32a

རྡོ་རྗེ་སེམས་དཔའ་བདག་ལ་ཆགས་པར་མཛོད། །རྡོ་རྗེ་སེམས་དཔའ་བདག་ནི་གསོ་བར་མཛོད། །བདག་ཉིད་འདོད་པའི་དངོས་གྲུབ་གསོལ། །བདག་གི་ལས་རྣམས་བསྲེག་པར་འགྱུར། །
ཡི་གེ་ཧཱུཾ་གི་སེམས་ཀྱི་དཔལ་དུ་མཛོད། །བཅོམ་ལྡན་འདས་ཧོ་ཡིས་དགྱེས་ཤིང་དགྱེས་པར་མཛོད། །རྡོ་རྗེ་སེམས་དཔས་བདག་ནི་གྲོལ་ར་མཛོད། །དམ་ཚིག་སེམས་དཔའ་ཆེན་པོས་བདག་མཛོད་ཅིག །ཨོཾ་
བཛྲ་སྭ་ཏྭ་ཨཿ གང་ཡང་བདག་བློ་གཏི་མུག་པས། །ལེགས་སྤྱད་འདི་ལ་ཉེས་པ་གང་། །གང་ཕྱིར་ལུས་ཅན་སྐྱབས་གྱུར་པས། །དེ་ཀུན་མགོན་པོས་བཟོད་པར་མཛོད། །ཡི་གེ་བརྒྱ་པ་བཟླས་ནས། ཁྱེད་ཀྱི་སེམས་
ཅན་དོན་ཀུན་མཛོད། །[ཅེས་པ་བཟླས་ལ་གཤེགས་སུ་གསོལ།] བཛྲ་མུ། [ཅེས་(ཞེས་)པས་དམ་ཚིག་སེམས་དཔའ་ལུས་ལ་གཞུག་གོ། །དཔལ་བདེ་མཆོག་གི་སྦྱིན་བསྲེག་གི་ཆོ་གའི་རིམ་པ་སློབ་དཔོན་ནཱ་རོ་པས་མཛད་པ་རྫོགས་སོ།། །།མངྒ་ལཾ།


目录
དཔལ་བདེ་མཆོག་གི་སྦྱིན་བསྲེག་གི་ཆོ་ག །